Charter Document - 03210009
| Charter Number: | 03210009 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1139 |
| Date type: | Assigned |
| Resource Link(s): |
Bodleian Library - Christ Church MS. 340 (p16) |
Charter:
Stephano Regi Anglie et Henrico sedis apostolice legato et Theob[aldo] Cantuar Archiepiscopo toti que clero tocius Anglie Rogerus Episcopus Sarum Salutem et honoris dignitatem Notum facio dignitati vestre quod reddidi pro salute anime mee Ecclesie et Priori toti que Conventui Sancte Frideswide Oxenford quicquid eisdem iniuste abstuleram Pratum quod dicitur Prestent et Molendinum et Bisshopessmore et terram que est ante oreum et terram in qua est oreum et terras que de ara Sancte Frideswide dicuntur Preterea reddo eis feriam vnam in Oxenford et in toto suburbio eiusdem pertinentem eidem Ecclesie cum omnibus libertatibus et liberis consuetudinibus suis Et totum locum qui dicitur Beneseye Et totam terram pertinentem ad hidam ipsorum in Walton Omnes eciam terras suas et redditus suos infra ciuitatem Oxon et extra cum alijs rebus et dignitatibus et libertatibus et consuetudinibus suis reddo eis fideliter Quare dignitatem vestram humiliter requiro quod pro Dei amore et vestro honore et pro salute animarum vestrarum et mee illud firmum et stabile faciatis Teste Azone Decano [] apud Sarum