Charter Document - 03200135
| Charter Number: | 03200135 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1208 |
| Date type: | Assigned |
| Resource Link(s): |
|
Charter:
Galfridus Dei gratia Coventrensis ecclesie humilis minister omnibus ad quos presens scriptum pervenerit salutem Noverit universitas vestra nos pietatis intuitu concessisse et confirmasse dilecto filio nostro Uctredo clerico totam terram quam dilectus filius noster Galfridus decanus de Whalley ei dedit cum omnibus aisiamentis et libertatibus ville de Whall pertinentibus sibi et heredibus suis tenendam et habendam de ecclesia de Whalleya et de predicto Galfrido decano et de successoribus suis in feudo et hereditate libere solute et quiete ab omni seculari servitio reddendo inde annuatim predicte ecclesie de Whalleya et predicto Galfrido decano et eius successoribus tres solidos et sex denarios et dimidiam libram thuris scilicet ad festum sancti Egidii viginti et unum denarios et ad festum sancti Michaelis viginti et unum denarios et ad festum Omnium Sanctorum dimidiam libram thuris Ut igitur nostra hec confirmatio futuris temporibus robur firmitatis obtineat eam scripto presenti et sigilli nostri appositione roboravimus Hiis testibus Galfrido decano Walley magistro Simone de Dereby magistro Waltero Malet magistro Willelmo London Viviano de Stokes Thoma clerico Nicholao camerario Henrico de Beverl Henrico de Ruall Roberto marescallo et multis aliis