Charter Document - 03200134
| Charter Number: | 03200134 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1204 |
| Date type: | Assigned |
| Resource Link(s): |
|
Charter:
Galfridus Dei gratia Coventrensis ecclesie humilis minister omnibus ad quos littere presentes pervenerint salutem in Domino Noverit universitas vestra nos attendentes honestatem et relligionem domus de Wellebec ad eiusdem domus promotionem et hospitalitatem aumentandam divine caritatis intuitu eidem domui concessisse et presenti carta nostra confirmasse ecclesiam de Dukmanton cum omnibus pertinentiis suis in proprios usus possidendam prout bone memorie H[ugo] predecessor noster eam prefate domui concessit et carta sua confirmavit Preterea concedimus et confirmamus prenominate domui tres marcas argenti et tres solidos quos annuatim percipiunt de ecclesia de Ettewelle nomine pensionis vivente H nunc eiusdem ecclesie vicario Cum autem prefatus H decesserit vel vitam suam mutaverit duas partes eiusdem ecclesie cum omnibus pertinenciis suis sepedicte domui in proprios usus concedimus possidendas Ad tertiam vero partem abbas clericum idoneum episcopo vel eius officialibus presentabit qui tam pro episcopalibus quam sinodalibus quam etiam omnibus aliis consuetudinibus et honeribus sufficienter respondebit salvo tamen nobis et successoribus nostris in omnibus iure episcopali et parochiali Hiis testibus Paulo abbate de Leicestr magistro Roberto archidiacono de Salopesbir magistro Helya de Chiveleia magistro Simone de Derbi magistro Waltero Malet Waltero et Matheo capellanis Ricardo de Scalt Thoma de Beverlaco Nicholao camerario