Charter Document - 03200125
| Charter Number: | 03200125 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1208 |
| Date type: | Assigned |
| Resource Link(s): |
|
Charter:
Gaufridus Dei gratia Conventr[ensis] ecclesie humilis minister omnibus ad quos presens scriptum pervenerit salutem in Domino Noverit universitas vestra nos intuitu pietatis et favore religionis concessisse et presenti carta nostra confirmasse dilectis filiis nostris abbati et monachis de Salop[esberia] ecclesiam de Baschirch cum omnibus pertinentiis in usus hospitum et pauperum convertendam prout bone memorie H[ugo] predecessor noster eam illi concessit et carta sua quam inspeximus confirmavit Ita quidem quod memorati abbas et monachi nobis et successoribus nostris ydoneas personas ad competentem vicariam in ecclesia illa presentabunt qui onera eiusdem ecclesie sustinebunt et nobis et successoribus nostris de spiritualibus illis autem de temporalibus respondebunt Medietatem etiam predicte ecclesie in usus eorundem monachorum et pauperum Cristi iam convertimus salvo semper nobis et successoribus nostris iure episcopali et parrochiali Hiis testibus R archidiacono Salop magistro Ada decano Salop et aliis