Charter Document - 03200118
| Charter Number: | 03200118 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1208 |
| Date type: | Assigned |
| Resource Link(s): |
|
Charter:
Galfridus Dei gratia Coventren[sis] ecclesie humilis minister omnibus has litteras visuris vel audituris eternam in Domino salutem Noverit universitas vestra nos instrumenta domus de Kirkebi a predecessoribus nostris eidem collata inspexisse et inspecta approbasse Unde cum loca relligiosa in episcopatu constitute paterna pietate fovere et permovere teneamur nos intuitu caritatis et divine pietatis omnes possessiones et libertates et elemosinas in episcopatu nostro predicte domui de Kirkebi cartis predecessorum nostrorum confirmatas presenti carta nostra duximus confirmare prout in cartis predecessorum nostrorum continetur scilicet totam ecclesiam de Kirkebi cum capella sua de Widebroc et omnibus aliis pertinenciis suis ita tamen quod habeant ecclesiam de Kirkebi in proprios usus suos et de capella de Widebroc tres marcas argenti annuatim nomine pensionis Et ecclesiam de Wapenbir cum capella sua de Huningham et omnibus aliis pertinenciis suis ita ut habeant de predicta ecclesia viginti solidos annuatim et unam petram cere nomine pensionis Preterea confirmamus predicte domui de Kirkebi et monachis ecclesiam de Neuboldo cum omnibus pertinenciis suis ita ut pensionem sex marcarum annuatim ex ea percipiant quamdiu Alardus qui nunc est eiusdem ecclesie vicarius tenuerit Cum autem prefatus Alardus decesserit vel vitam suam mutaverit duas partes eiusdem ecclesie integraliter in omnibus et per omnia eis in proprios usus concessimus habendas Ad terciam vero partem prior episcopo clericum idoneum presentabit qui tam pro episcopalibus quam sinodalibus et omnibus aliis consuetudinibus sufficienter respondebit salvo tamen nobis et successoribus nostris in omnibus iure episcopali et parochiali Ut autem hec nostra concessio rata et inconcussa permaneat eam sigilli nostri apposicione roboravimus Omnes igitur qui hanc confirmacionem nostram tenuerint benedictionem Dei et nostram habeant Si quis autem ausu temerario contraire presumpserit indignacionem omnipotentis Dei et nostram se noverit incursurum Hiis testibus magistro Roberto archidiacono de Salopesbir magistro Willelmo Duredent magistro Waltero Malet magistro Simone de Derbi magistro Iohanne de Newerc magistro Clemente de Newerc Waltero et Matheo capellanis Roberto de Stokes Ricardo de Scalton Thoma de Beverlaco Nicholao camerario