Charter Document - 03200113
| Charter Number: | 03200113 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 |
| Date type: | Assigned |
| Resource Link(s): |
|
Charter:
G[alfridus] Dei gratia Coventr[ensis] ecclesie humilis minister universis sancte matris ecclesie filiis ad quos presentes littere pervenerint salutem in Domino Cum pro universis cristianis orare catholica teneatur ecclesia pro suis quidem benefactoribus speciales debet orationes effundere ut in sui promotione posterorum excitet devotionem et vitium in gratitudinis quo nullum est vitium odiosius sius filiis suis predicet fugiendum et procul a finibus nostris videatur expulsum Eapropter venerabili domino nostro Iohanni illustri regi Angl[ie] qui Lichefelden[si] ecclesie nobis a Domino commisse bona plurima contulit et eidem a suis antecessoribus donata regia ampliavit munificentia tres capellanos in perpetuum concessimus qui in eadem ecclesia singulis diebus missas celebrent pro anima bone memorie Henrici regis patris predicti domini et regis nostri et pro animabus fratrum et antecessorum suorum et pro anima filii sui Galfridi necnon et specialiter pro salute corporis sui proprii et anime sue ut Deus ac Dominus noster qui nullum bonum pretermittit irremuneratum ei pro bonis temporalibus premia retribuat eterna Quia vero levius portantur onera cum honores secuntur et premia eisdem capellanis de bonis episcopatus Coventren[sis] certam et honestam assignabimus sustentationem Ut igitur hoc posteris innotescat et in posterum firmitatis vigorem obtineat de communi assensu decani et capituli Lichefeld illud fecimus et tam presenti scripto quam sigilli nostri appositione roboravimus Hiis testibus W[illelmo] Lond Henrico Exon Petro Wint episcopis G filio Petri iustic domini regis Ranulfo comite Cestr Willelmo comite Saresbr Waltero de Grai cancellario Hugone archidiacono Well et multis aliis