Charter Document - 03200112
| Charter Number: | 03200112 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1208 |
| Date type: | Assigned |
| Resource Link(s): |
|
Charter:
Gaufr[idus] Dei gratia Coventr[ensis] ecclesie humilis minister universis Cristi fidelibus ad quos presens pagina pervenerit salutem in Domino Quoniam ea potissimum merentur favorem que ad multorum conferuntur subsidium universitati vestre notum facimus nos divine miserationis intuitu dedisse et concessisse commune Lichesfelden[sis] ecclesie que supra modum tenuis est et modica viginti marcas annuas ad cervisiam habendam scilicet de ecclesia de Hopa et de capellis suis ita videlicet quod cum eadem ecclesia cum suis capellis vacaverit ille qui eas tenebit sive illi si forte plures ibi fuerint rectores predictas viginti marcas eidem commune secundum facultates portionum suarum annuatim persolvent ad duos terminos medietatem ad festum beati Michaelis et medietatem ad Pascha Si vero ipsa matrix ecclesia sine aliquibus capellis vel pertinentiis suis vacaverit memorata communa partem predictarum viginti marcarum secundum valentiam rei vacantis habebit donec tota ecclesia cum suis pertinentiis plene vacaverit Ut igitur hec nostra donatio firmitatis vigorem obtineat imperpetuum eam presenti scripto et sigilli nostri appositione confirmavimus Hiis testibus magistro Erardo canonico Eboracen magistro Iohanne de Newerc magistro Nicholao de Weston Osberto de Witinton Michaele capellano Willelmo de Damartin Thoma de Beverlaco