Charter Document - 03200109
| Charter Number: | 03200109 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1198 - 1208 |
| Date type: | Assigned |
| Resource Link(s): |
|
Charter:
Galfridus Dei gratia Coventrensis ecclesie humilis minister omnibus ad quos presens scriptum pervenerit salutem in Domino Noverit universitas vestra nos concessisse et presenti carta nostra confirmasse Willelmo filio Hugonis Robet pro homagio et servitio suo totam terram quam pater suus tenuit de predecessoribus nostris episcopis scilicet terram illam que iacet inter terram Emulfi canonici et terram Samsonis vinitoris et tendit a terra que fuit Willelmi de Norton usque ad quendam parvum rivulum in Wibbildemor cum omnibus pertinentiis suis habendam et tenendam de nobis et successoribus nostris sibi et heredibus suis in feodo et hereditate libere et quiete et plenarie in bosco et plano in pratis et pascuis et in omnibus aliis libertatibus et asiamentis reddendo inde annuatim nobis et successoribus nostris pro omni servitio et demanda quatuordecim denarios ad quatuor terminos scilicet ad festum sancti Andree tres denarios et obolum et ad festum beate Marie in Martio tres denarios et obolum ad festum sancti Iohannis tres denarios et obolum et ad festum sancti Micaelis tres denarios et obolum Hiis testibus Osberto de Hwitnton tunc temporis senescallo Iohanne et Nicholao camerariis Samsone vinitore Roberto Ruffo Osberto de Camera Ricardo de Pip[r]a Henrico incisore Samsone filio Reginaldi Roberto Pite Willelmo Coco Henrico clerico de Langel et Iohanne fratre eius Willelmo Blundel et Willelmo filio eius Iohanne de Eboraco Willelmo fratre eius Iohanne Fuke Roberto Toma et Iohanne filiis Rogeri Ricardo clerico de Langed et pluribus aliis