Charter Document - 03200094
| Charter Number: | 03200094 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1208 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Galfridus Dei gratia Coventrensis episcopus eternam in Domino salutem Quoniam utriusque testamenti docent autoritates et exempla sustentationem pauperum et hospitalitatis gratiam inter opera misericordie prefulgere ideo nos attendentes canonicos sancti Petri de Dunstapl in publico transitu et affluentia peregrinantium habitare et unde petitionibus satisfaciant non habere ecclesiam de Bradeburn cum omnibus capellis et aliis pertinentiis suis eisdem canonicis intuitu Dei [] concessimus et presenti carta confirmavimus indulgentes dictis canonicis ut ad sustentationem pauperum habeant in usus proprios perpetuo plenarie totam medietatem omnium decimarum et omnium obventionum tam de vivis quam de defu[n]ctis provenientium de parochia dicte matricis ecclesie et capellarum suarum liberam et quietam et absolutam ab omni servitio spirituali et temporali quantum ad hominem spectat Ita quod eorum vicarius qui in dicta ecclesia residebit et alteram medietatem integre possidebit honeste faciat ministrari in dicta matrice ecclesia et omnibus eius capellis et omnia honera episcopalia et exactiones cuiuscunque gravis quandocunque evenient idem vicarius sustineat et unam libram incensi annis singulis in Epiphania Domini dictis canonicis pensionis nomine persolvat Et tam idem vicarius quam ceteri sacerdotes et clerici qui in dictis ecclesia et capellis ministrabunt dictis canonicis iuramentum prestabunt de fidelitate servanda Quod ut perpetuum robur optineat hanc nostram concessionem sigilli nostri munimine duximus roborandam Hiis testibus []