Charter Document - 03200086
| Charter Number: | 03200086 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1208 |
| Date type: | Assigned |
| Resource Link(s): |
|
Charter:
Gaufridus Dei gratia Coventr[ensis] ecclesie humilis minister omnibus ad quos presens scriptum pervenerit salutem Noverit universitas vestra nos dedisse et concessisse et hac presenti carta nostra confirmasse Warino Griffin de Colton et heredibus suis pro homagio et servitio suo totam terram ad Lund sub Colewele quam Adam le Wrathe tenuit et essartum sub eadem Colewele iuxta Burnebroc quod Robertus Carpentarius tenuit et de incremento latitudinem quatuor acrarum extra sepes predictarum terrarum et longitudinem de essarto quod fuit Turkilli et de essarto quod fuit Toli usque Burnebroc cum omnibus earum pertinentiis in manerio nostro de Heiwude tenendas et habendas sibi et heredibus suis de nobis et successoribus nostris libere et quiete in bosco et plano in pratis et pascuis et omnibus libertatibus et aisiamentis reddendo inde annuatim nobis et successoribus nostris pro omni servitio et consuetudine et exactione quatuor solidos ad quatuor terminos scilicet ad festum sancti Andree xii denarios ad festum sancte Marie in Martio xii denarios ad festum sancti Iohannis Baptiste xii denarios ad festum sancti Michaelis xii denarios Hiis testibus Osberto senescallo Thoma de Erdington Philippo de Wastenai Willelmo Griffin Galfrido de Colton Galfrido de Colewich Rogero de Colewich Ricardo de Bissopeston Roberto Ruffo Hugone Britone Willelmo de Drengeton Roberto Blundo Henrico de Langedun Nicholao camerario et multis aliis