Charter Document - 03200066
| Charter Number: | 03200066 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 |
| Date type: | Internal, Feast, Regnal |
| Resource Link(s): |
|
Charter:
Hugo miseratione divina Coventr[ensis] episcopus omnibus tam clericis quam laicis per episcopatum Coventr[ensem] constitutis salutem gratiam et benedictionem Universitati vestre notum facimus nos attendentes religionem canonicorum Deo servientium in ecclesia sancti Leonardi de Wombrug eorumque paupertatem concessisse eidem ecclesie et canonicis supradictis ecclesiam de Sutton cum omnibus pertinentiis suis ad perpetuam concessionem regis Henrici secundi in perpetuam elemosinam Concessimus etiam eis capellam de Upynton cum omnibus pertinentiis suis ad concessionem Rogeri Mussun in puram et perpetuam elemosinam Ita quidem quod canonici prememorati nobis et successoribus nostris capellanos ydoneos presentabunt qui de manu episcopali curam animarum recipient et ecclesie predicte et capelle deservient eisque secundum morem patrie et facultates ecclesiarum congruam sustentationem assignabunt Totum vero residuum ad usus proprios et pauperum recuperationem eis imperpetuum concessimus retinendum Et ut hec nostra concessio rata et inconcussa permanent eam sigilli nostri appositione roboravimus Act apud Lich[efeldiam] in crastino sancti Clementis anno quo rex Angl[ie] Ricardus Ierosolim[am] profectus est His testibus R archidiacono Cestr A archidiacono Staford R archidiacono Salop magistro Roberto de Salopesb magistro Herberto Radulfo capellano magistro Phil[ippo] Sansoun magistro Phil[ippo] de Hereford Phil[ippo] de Willinton Ricardo clerico magistro Waltero Phil[ippo] de Kinton et multis aliis