Charter Document - 03200040
| Charter Number: | 03200040 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1192 - 1198 |
| Date type: | Assigned |
| Resource Link(s): |
|
Charter:
Omnibus ad quos presentes littere pervenerint H[ugo] miseratione divina Coventr[ensis] episcopus et decanus de Lichesfeld totumque eiusdem ecclesie capitulum salutem in vero salutari Noverit universitas vestra quod dominus Iohannes comes Moriton in perpetuam et puram elemosinam concessit nobis et ecclesie nostre de Lichesfeld ecclesiam de Baucwell cum omnibus ad eam pertinentibus Et quoniam Mattheus canonicus tempore donationis illius in ecclesia eadem terciam possedit prebendam sicut nec debuimus ita nec volumus eum beneficio suo privare sed concessimus ei quod omnibus diebus vite sue beneficium illud integre possideat solvendo inde singulis annis in festo sancti Michaelis capitulo de Lichesfeld unum aureum nomine pensionis