Charter Document - 03200038
| Charter Number: | 03200038 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1191 - 1193 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos littere presentes pervenerint Hugo miseratione divina Coventr[ensis] episcopus salutem in vero salutari Universitati vestre notum facimus quod domos nostras quas in civitate Lond emimus de Iohanne Buchointe et Cecilia uxore ipsius et de Iordano de Turri cum assensu maioris et omnium baronum civitatis illius in communi hustingo et assensu etiam domini Rothom[agensis] archiepiscopi tunc iustic[iarii] domini regis et omnium aliorum iustic[iariorum] ipsius dedimus et concessimus successoribus nostris episcopis Coventr inperpetuum possidendas ut decetero successores nostri hospitandi gratiam ab aliis mendicare non cogantur set perpetuam ibi possideant mansionem Itaque nulli successorum nostrorum liceat domos illas aut terram vendere vel aliquo modo distraere vel alicui suorum sub aliquo censu donare quominus liberum sit ibi successores nostros tanquam in suo proprio futuris semper temporibus hospitari Ut autem hec nostra donatio debite firmitatis robur optineat eam sigilli valituro munimine roboravimus