Charter Document - 03200020
| Charter Number: | 03200020 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1198 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis tam presentibus quam futuris Hugo miseratione divina Coventr[ensis] episcopus salutem in vero salutari Universitati vestre notum facimus nos attendentes paupertatem et religionem beate Marie Derl concessisse et confirmasse canonicis ibidem Deo servientibus ecclesiam de Cruch cum omnibus pertinentiis suis et libertatibus suis in perpetuum in usus proprios ad sustentationem fratrum et receptionem pauperum convertendam salvo in omnibus iure episcopali et parochiali Recipimus etiam sub protectione beate Marie et nostra tam ipsam abbatiam quam omnes eius possessiones in diocesi nostra constitutas auctoritate episcopali districte prohibentes ne quis eorum possessiones perturbare vel auferre vel ablatas retinere vel minuere vel eos indebita vexatione fatigare ausu temerario presumat Si quis autem sciens contravenire presumpserit si commonitus non satisfecerit anathematis vinculo se noverit innodatum Hiis testibus