Charter Document - 03200002
| Charter Number: | 03200002 |
|---|---|
| Cartulary Title: | Coventry and Lichfield 1183-1208 Volume 17 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1183 - 1184 |
| Date type: | Assigned |
| Resource Link(s): |
|
Charter:
G[erardus] divina permissione Coventren[sis] episcopus omnibus sancte matris ecclesie filiis ad quos presentes littere pervenerint salutem in eo qui est salus Ad universitatis vestre noticiam volumus pervenire quod cum universis ecclesiis in diocesi nostra constitutis ex iniuncta nobis sollicitudine teneamur providere specialiter tamen religiosam domum de Burton et eiusdem loci fratres et possessiones ad eandem domum pertinentes sub nostra protectione suscepimus eis ubi locus et tempus se obtulerint provisuri Eapropter ratam habentes transactionem factam inter predictam domum et Willelmum presbiterum de Methelfeld super capella de Grendon pertinente ad matrem ecclesiam de Hylum augmentum pensionis de novo constitute de predicta capella matri ecclesie persolvende concedimus usque ad quatuordecim solidos cum prius de eadem nomine pensionis minus solveretur Et quoniam non possunt pensiones in ecclesiis vel ecclesiasticis beneficiis augeri sine coniventia et assensu diocesiani episcopi ideo hanc concessionem nostram presentis scripti nostri auctoritate confirmamus Testibus magistro Gaufrido de Lenton magistro Adam Albo magistro Rogero Walensi Albino capellano Philippo de Wilinton et multis aliis