Charter Document - 03191084

Ricardus Dei gratia episcopus et Laurentius prior Conventr[ensis] omnibus quos iste littere pervenerint salutem in Domino Controversia que inter ecclesiam Lich et ecclesiam Osen vertebatur super ecclesia de Schenstan nobis a summo pontifice delegate in hunc modum amicabiliter est terminata et auctoritate qua fungimur confirmata quod videlicet canonici de Oseneye solvent annuatim ecclesie de Lich nomine canonis de ecclesia de Schenstan septem solidos ad duos terminos medietatem infra octabas sancti Michaelis et medietatem infra octabas Pasche quamdiu Radulfus de Tamworth et clericus qui primus post ipsum substitutus fuerit ecclesiam ipsam de Schenstan de canonicis de Osen tenebunt Postquam vero ille qui post Radulfum tenebit eandem ecclesiam de Schenstan possidere desierit canonici supradicti solvent nomine canonis annuatim ecclesie Lich decem solidos ad prefinitos terminos Ecclesia vero Lich assensu [] episcopi et totius capituli suscepit ecclesiam de Schenstan in specialem filiam ita quidem ut sepe dicta ecclesia de Schenstan gaudeat omni libertate et immunitate qua gaudent ecclesie sive capelle que sunt de corpore ipsius Lich ecclesie Clerici vero qui in ecclesia de Schenstan nomine canonicorum ministrabunt fidelitatem prestabunt [] decano et capitulo Lich ecclesie quod nichil machinabuntur in preiudicium prescripte transactionis Preterea canonici de Osen concedunt tam vivis quam defunctis ecclesie Lich canonicis communionem et participationem orationum et omnium beneficiorum illius ecclesie et canonici ecclesie Lich illud idem beneficium eis concedunt Hec autem amicabilis compositio auctoritate iudicum scilicet Ricardi episcopi et Laurentii prioris Conventr a summo pontifice in hac causa delegatorum est facta et confirmata Hiis testibus Roberto priore de Kenilworth Osberto et Augustino canonicis Willelmo decano de Tatteshull magistro Willelmo de Tillebury Iohanne de Tercebigg Ricardo de Carson Rogero de Rolleston Roberto de Lega Willelmo scripture et multis aliis