Charter Document - 03190107
| Charter Number: | 03190107 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1176 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus universis ecclesie Dei fidelibus salutem in Domino Ad rectores pertinet ecclesiasticos religiosorum iura tueri et eorum indigentie propensius subvenire Inde est quod nos dilectorum filiorum nostrorum Willelmi prioris de Tuttesbir et monachorum ibidem Deo servientium precibus condescendentes religionis intuitu et relevande paupertatis eorum gratia concessimus eis ut in ecclesia sua de Tuttesbir per vicarium suum faciant ministrare quem vicarium ipsi monachi in domo propria secum habeant si voluerint vel certam ei assignent pensionem exterius eumque recipient vel amoveant prout commodo suo melius noverint expedire Hanc igitur concessionem nostram iure et pietate subnixam ne qua in posterum posset malignitate convelli presentis scripti nostri auctoritate confirmavimus in perpetuum valituram Testibus Alano archidiacono Stafford magistro Roberto de Haia []