Charter Document - 03190106
| Charter Number: | 03190106 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1160 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus ad quos presentes littere pervenerint salutem in Cristo perpetuam Noverit universitas vestra nos auctoritate domini pape nichilominus etiam et nostra omnes occupatores terrarum decimarum et aliarum possessionum detentores dilectorum filiorum nostrorum prioris et monachorum de Tuttesbir anathematis vinculo innodasse omnesque qui citra iuris ordinem de terris nemoribus vel aliis tenuris aliquid subtrabere vel minuere ausu temerario presumpserint Inde est quod omnibus personis et vicariis per diocesim nostram constitutis mandantes precipimus ut cum vobis constiterit possessiones predictorum monachorum in aliquo ab aliquibus perturbatas fuisse eos per parochias vestras publice excommunicatos denuntietis Valete