Charter Document - 03190105
| Charter Number: | 03190105 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1176 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus sancte matris ecclesie filiis tam presentibus quam futuris salutem in Domino Pium est ac equitatis plenum ut religiosorum locorum indempnitati caveamus et ecclesiarum libertates a predecessoribus nostris episcopis collatas scripti nostri auctoritate corroboremus Unde vestram volumus scire universitatem nos divini amoris intuitu concessisse et hac presenti carta nostra confirmasse assensuque Alani Staff archidiaconi Iohanni priori de Trentham et fratribus ibidem Deo servientibus et ecclesie sancte Marie et Omnium Sanctorum de Trentham in perpetuum omnem libertatem quam Rob[ertus] antecessor noster bone memorie episcopus concessit et pontificali auctoritate confirmavit Burton[ensi] ecclesie quam in ea invenit scilicet ut non reddat ullam consuetudinem pro chrismate vel oleo sancto neque pro aliqua alia re parochiali nec mittat hominem aut feminam ad capitula vel synodos sed teneat rectum in curia sua quamdiu apud se a recto non deficit Quamobrem prohibemus ex parte Dei et interdicimus sub anathemate ne quis in posterum prefatam libertatem ecclesie sancte Marie et Omnium Sanctorum de Trentham concessam et a nobis confirmatam infringere presumat Hiis testibus Rogero archidiacono Salop Wilielmo decano Lich Nicholao capellano regis magistro Roberto de Haia Augustino et Nigello capellanis Waltero de Tileberia magistro Waltero de Brug Willelmo capellano de Witernere Gaufrido Pecc dapifero Henrico de Bloctona Hugone de Cochenache Radulfo de Beche Gileberto Poun camerario et multis aliis Valete