Charter Document - 03190103
| Charter Number: | 03190103 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1172 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus sancte matris ecclesie filiis salutem Quoniam ad nostri officii sollicitudinem spectat non solum fideles ad elemosinarum exhibitionem hortari sed et eorum elemosinas scripto et auctoritate nostra corroborare presentis scripti pagina confirmavimus Iohanni priori de Trentham et fratribus suis et ecclesie sancte Marie et Omnium Sanctorum de Trentham centum solidatas terre et omnia pertinentia predicte ecclesie sicut eis concessum et confirmatum est cartis regis Henrici et Rann[ulfi] comitis Cestr[ensis] insuper pro Dei amore et antecessorum nostrorum et nostra salute sinodalem pensionem et immunitatem ceterarum consuetudinum omnium quam [predecessores] nostri Robertus et Rogerus bone memorie episcopi ecclesie de Rouccestr et vicinis ecclesiis eodem ordine degentibus remiserunt ampliorem et liberiorem eis remittimus et sicut eis antecessor noster Gualterius carta sua quam oculis propriis et manibus tractavimus et inspeximus carta nostra confirmavimus His testibus Laur[entio] priore Coventr[ensi] Edmundo Coventr[ensi] Rogerio Salop et Elia Stafford [archidiaconis] Po[u]ne et Hamone et Willelmo filio Nicli Alexandro decano Brugg et magistro Hugone Luxovensi Rad[ulfo] de Breideshal et Rad[ulfo] Mansel [Walt]erio camerario et multis aliis Valete