Charter Document - 03190094
| Charter Number: | 03190094 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus sancte matris ecclesie filiis ad quos presentes littere pervenerint salutem in Domino Iustum est et sacre devotionis plenum ut ea que locis religiosis fidelium devotione collata esse noscuntur ab auctoritate episcopali accipiat firmamentum Hinc est quod pastorali affectione inducti ecclesie sancti Thome martiris de Stafford et canonicis ibidem Deo servientibus et in posterum servituris locum illum quem de nobis Geraddus de Stafford iure tenuit hereditario in quo ecclesiam eorum ipsius Geraddi concessione fundavimus necnon et alia sive ex nostro et sive ex aliorum dono eis pietatis intuitu collata presentis scripti auctoritate confirmamus que specialibus vocabulis dignum duximus exprimere ex dono nostro molendinum cum stagno et duvieto iuxta Mulnediga ipsi stagno adherente quod quidem molendinum iiii propriis sumptibus fecerunt necnon Estmoram que est contra molendinum ex altera parte aque apud Berceleswich Preterea pratum quod spectabat ad manerium nostrum de Eceleshal quod crebra inundatione aquarum sepius deperire solebat pro quo eciam memorati fratres opera sua et impensa aliud pratum satis eo melius et fructiosius ad opus nostrum apud Eccleshal essartaverunt necnon terram nostram de Orbreton quam Mabilia et heredes eius de nobis tenuerunt item duo burgagia in Lichesfeld videlicet burgagium Thome presbiteri et burgagium Robb[erti] item libertatem piscandi in Sowa et Pencrigh item congruum housbote firebote et heibote undecumque in bosco nostro et quietanciam paniagii propriorum porcorum suorum et communionem pasture manerii nostri de Berccleswicgh ex dono Alani de Hagingata culturam suam iuxta Kinisbroc ex dono Aldithe totam terram suam de Orbreton concessione ecclesie de Stafford ex dono Nicholai de Cotes septem acras terre in Cotes et licenciam firmandi molendina super Kinisbroc iuxta formam cyrographi ipsius ex dono Roberti de Orbreton et heredum suorum concessione domini Roberti de Stafford et Roberti del Becc et Iohannis de Hortona tres acras terre et dimidiam in Orbreton et licenciam firmandi molendinum et vivarium super Kinesbroc item ex dono nostro eandem licenciam ex dono Rogeri la Convarte et Ernaldi de Orbreton licenciam firmandi molendinum super Kinisbroc et pratum quod eis vendidit Aldewinus filius Goldewini de feodo nostro sicut eius cyrographum testatur ex dono Radulfi archidiaconi domos suas in Stafford et ex concessione Cristiane de Wulverunchamton terram in qua ille domus site sunt iuxta formam scriptorum ipsorum ex dono Henrici filii archidiaconi Helie terram suam que est iuxta predictas domos secundum formam cyrographi ipsius ex dono Stephani de Deveneport et Alfewini Chese terram suam in Halegtona Hec itaque que prenominata sunt vel que in posterum eis canonice collata fuerint confirmantes sub interminatione anathematis prohibemus ne quis eis molestiam aliquam inferre presumat vel inanire Testibus Ricardo decano Lichesfeld ecclesie Alano archidiacono Stafford Ricardo archidiacono Salop magistro Roberto de Haya magistro Galfrido de Lenton Nigello capellano Andrea Giffard magistro Walterio de Tillesberia Galfrido Reit Ricardo dapifero Gilleberto Poun camerario Geraddo filio Brieni Willelmo clerico de Stafford et multis aliis