Charter Document - 03190091
| Charter Number: | 03190091 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1176 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventrensis episcopus omnibus sancte matris ecclesie filiis ad quos presentes littere pervenerint eternam in Domino salutem Noverit universitas vestra nos ad piam petitionem venerabilis Alveredi abbatis sancti Petri super Divam eiusdem que loci conventus confirmasse dilectis filiis nostris leprosis de Bretford concessionem eis caritatis intuitu a predictis Alvaredo abbate et conventu factam scilicet ut ipsi leprosi in prima capella sua de Bretford proprium habeant capellanum salvo in omnibus matris ecclesie de Wlurich parochiatu suo Confirmavimus etiam memoratis leprosis decimas lactis sui et herbarum ex hortis suis provenientium eis a sepedictis Alv[eredo] abbate et conventu misericorditer indultas sicut carta eorum eisdem leprosis eis ex inde facta testatur Memorati autem leprosi pro predictis concessionibus et libertatibus sibi liberaliter indultis matri ecclesie de Wlurich annuum canonem duorum solidorum persolvent scilicet xii denarios ad Pascha et xii denarios ad festum sancti Michaelis Et ut hec conventio et confirmatio nostra perpetue firmitatis robur optineat eam presentis scripti patrocinio et sigilli nostri appositione communimus Testibus Ranulfo abbate de Buldewas N[icholao] archidiacono Coventr magistro R de Haia magistro Willelmo de Torentona Andrea Giffard Gilleberto P[oun] camerario Rogero de Buschwall Osberto de Camera et multis aliis