Charter Document - 03190087
| Charter Number: | 03190087 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1176 - 1182 |
| Date type: | Assigned |
| Resource Link(s): |
|
Charter:
[R]icardus Dei gratia Coventr[ensis] episcopus omnibus sancte matris ecclesie filiis ad quos littere iste pervenerint salutem in Domino Ex debito caritatis et officio nostre sollicitudinis tenemur ei que viris religiosis a fidelibus pia devotione canonice collata sunt nostri assensu confirmare Unde nos pastorali affectione inducti dilectis filiis nostris abbati et fratribus de Pip[ewella] providere volentes ius advocationis ecclesie de Duneschr eisdem monachis ex pia largitione W Clement in puram et perpetuam elemosinam collatum iuxta tenorem carte eiusdem W super hoc facte causa Dei et reverentia beatissime semper virginis Marie auctoritate episcopali confirmamus Ut autem hec nostra confirmatio futuris temporibus inconcussa permanent eam suprascriptis monachis litterarum nostrarum testimonio et sigilli nostri appositione inperpetuum communivimus Hiis testibus