Charter Document - 03190084

Ricardus Dei gratia episcopus et Laur[entius] prior Coventr[enses] omnibus ad quos iste littere pervenerint salutem in Domino Controversia que inter ecclesiam Lichesfeld[ensem] et ecclesiam Osen vertebatur super ecclesia de Senestan nobis a summo pontifice delegate in hunc modum amicabiliter est terminate et auctoritate qua fungimur confirmata quod videlicet canonici de Osen solvent annuatim ecclesie de Lichesfeld nomine canonis de ecclesia de Senestan vii solidos ad duos terminos medietatem infra oct[abas] sancti Michaelis et medietatem infra oct[abas] Pasce quamdiu Rad[ulfus] de Tamewrda et clericus qui primus post ipsum substitutus fuerit ecclesiam ipsam de Senestan de canonicis de Osen tenebunt Postquam vero ille qui post Rad[ulfum] tenebit eandem ecclesiam de Senest[an] possidere desierit canonici supradicti solvent nomine canonis annuatim ecclesie Lichesfeld[ensi] solidos ad prefinitos terminos Ecclesia vero Lichesfeld[ensis] assensu nostro et totius capituli suscepit ecclesiam de Senest in specialem filiam ita quidem ut sepe dicta ecclesia de Senest gaudeat omni libertate et immunitate qua gaudent ecclesie sive capelle que sunt de corpore ipsius Lichesfeld[ensis] ecclesie Clerici vero qui in ecclesia de Senest nomine canonicorum ministrabunt fidelitatem prestabunt decano et capitulo Lichesfeldensi ecclesie quod nichil machinabuntur in preiudicium prescripte transactionis Huius autem compositionis testes sunt hii Rog[erus] archidiaconus de Salopesburi Rob[ertus] prior de Kinildewrd Willelmus Duredent magister Terricus Nigellus capellanus Ricardus de Dalham canonici Willelmus decanus de Tatenhul Iohannes clericus de Terdebig Gileb[ertus] Pou[n] camerarius Walterus camerarius Ricardus de Rush Henricus et Rogerus armigeri Humfridus filius Roberti et multi alii