Charter Document - 03190082
| Charter Number: | 03190082 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1168 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis tam presentibus quam futuris Ricardus dei gratia Coventr[ensis] episcopus salutem in eo qui est omnium salus Ea que locis religiosis caritatis intuitu ad conservationem religionis et decorem domus Dei conferuntur pontificali tenemur auctoritate tueri Inde est quod concessionem quam Robertus de Crest fecit ecclesie sancte Marie de Eton et sanctimonialibus ibidem Deo servientibus super ecclesia de Merton et suis pertinentiis et libertatibus interveniente assensu Roberti comitis Leircestr et Roberti filii eiusdem ratam habemus et presentis scripti patrocinio communimus Statuimus etiam ut predicte sanctimoniales prelibatam ecclesiam in perpetuam possideant elemosinam plene libere et quiete sicut aliquis predecessorum suorum eam melius et liberius tenuit Hiis testibus magistro Roberto de Haia magistro Waltero de Tillebire Henrico de Becho capellano Ricardo de Gnoweshal Matheo clerico Peoun camerario episcopi Waltero camerario Osberto Willelmo pincerna Willelmo de Norton et aliis