Charter Document - 03190079
| Charter Number: | 03190079 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1165 - 1181 |
| Date type: | Assigned |
| Resource Link(s): |
|
Charter:
Ricardus Dei gratia Conventr[ensis] episcopus omnibus sancte matris filiis tam presentibus quam futuris salutem in Domino Noverit universitas vestra nos pietatis intuitu ad presentationem domini nostri regis Henrici et dedisse in puram et perpetuam elemosinam dilectis fratribus nostris de Novo Loco de elemosina eiusdem domini regis in Schyrewod ecclesiam de Hokenhale cum capella de Routhorn cum omnibus aliis pertinentiis suis et libertatibus et eos in eadem canonice instituisse Verum si bene recolimus canonicis de Croxton secundum cartam cuiusdam militis Rogeri nomine quem asserebant habere ius patronatus in illa ecclesia eandem aliis possidentibus tacita veritate circumventi confirmavimus Porro cum subiectis nostris nedum viris ecclesiastica honestis et religiosis in iure suo nec debemus nec deesse volumus inspecta diligenter carta eiusdem domini regis in qua continetur memoratos canonicos de Croxton super eadem ecclesia confirmationem suam subreptive inpetrasse et ab ipso rege propterea inprobatam et infirmatam suis se prelibatis fratribus de Novo Loco pretaxatam ecclesiam de Hokenale cum omni sua integritate et libertate presentis nostri scripti auctoritate inperpetuum confirmamus cartam predictorum canonicorum de Croxton a nobis falsa suggestione inpetratam in irritum revocantes His testibus magistro Willelmo decano Lychefeld Radulfo et Philippo decanis magistro Roberto de Haya magistro Terrico magistro Waltero de Tylebia Poun camerario Silvano diacono Willelmo de Pleseleya Roberto Havenhello Roberto de Harncurt Roberto Malherbe et multis aliis