Charter Document - 03190071
| Charter Number: | 03190071 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1176 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus sacrosancte matris ecclesie filiis salutem in Domino Auctoritatis apostolice mandato commoniti ipsiusque necessitatis intuitu ad hoc ipsum provocati decaniam in ecclesia Lich reparare curavimus que tempore hostilitatis fere tota intercidit ad nichilum redacta Nos itaque in decaniam reformandam concedimus et confirmamus decimam cense de Lich et de parochia tam infra burgum quam extra et decimam de firma archidiaconatus Derb et in Bercleswych xx solidus pro decima sive sit ad firmam sive non decimam etiam piscium de vivariis nostris Lich et duas acras et dimidiam in prato nostro et sexaginta acras adiacentes terre de Alreschawe et terram de Torleymor ipsamque terram de Alreschawe sicut Willelmus decanus eam melius et plenius habuit Et preterea in supplementum decanie prebendam de Brewode cum suis pertinentiis et libertatibus sicut aliquis canonicus eam melius et plenius unquam tenuit imperpetuum concedimus et confirmamus Hanc itaque decaniam iuxta prescriptum modum a nobis restitutam Ricardo de Dalham decano Lich suisque successoribus in prefata ecclesia canonicorum in futuris ita integre et libere in perpetuam elemosinam concedimus et ecclesie Lich inperpetuum confirmamus sicut magister Willelmus de Lega eam unquam melius vel plenius vel honorificentius habuit sub virtute anathematis districte prohibentes ne quis hanc donationem nostram rationabiliter factam infirmare temere presumat Hiis testibus Rogero archidiacono Salop Alano archidiacono Stafford Augustino capellano magistro Roberto de Haya Waltero de Tilberia et capitulo Lich Gileberto Pecc Gaufrido Pecc Ricardo de Ruishale Waltero et Poun camerariis Willelmo de Norton Willelmo pincerna et multis aliis