Charter Document - 03190055
| Charter Number: | 03190055 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus sancte matris ecclesie filiis salutem Noverit universitas vestra nos ecclesie sancte Marie de Kenill et dilectis filiis nostris canonicis regularibus ibidem Deo servientibus canonice concessisse et inperpetuum confirmasse ecclesiam de Wotton cum capellis suis videlicet de Essesho de Cobinton de Lillinton et de Lerninton ecclesiam de Stanleya cum capell de Bathekinton et de Neuham ecclesiam de Smita cum capella de Brinkelawe ecclesias de Radeford de Witenasse de Cestreton de Herberbur et ecclesiam de Wilmelect et ecclesiam de Cumpton et ecclesiam de Stanes cum capellis et ecclesiis et terris ad eam pertinentibus Preterea supradicte ecclesie de Kenill et prefatis filiis nostris eiusdem ecclesie canonicis unam hidam terre ab omni servitio et exactione liberam et quietam ex dono Rogeri de Frevill et assensu uxoris sue Sibille et unam virgatam terre ex dono ipsius Rogeri ab omni servitio ad ipsum vel ad heredes eius liberam et absolutam auctoritate nostra concedimus et corroboramus in Wifricheston Conventionem quoque inter ipsos canonicos de Kenill et monachos de Kirkebi factam super tertia parte decimarum dominii de Hampton in Ardena et super minutis decimis sex domorum de Brinkel que site sunt super oram vie regie que dicitur Fosse sicut in cirographo quod est inter ipsa monasteria de Kenill et de Kirkeby continetur ratam et inconcussam perpetuo manere statuimus amicabilem etiam compositionem que facta est inter iamdictos canonicos de Kenill et Nigellum de Bulbedon super patronatum ecclesie de Langeford coram venerabili fratre nostro Hugone Dunelm episcopo et Simone abbate Rievall quibus causa que inter ipsos vertebatur ab apostolica sede delegata est fine debito terminanda sicuti in autentico ipsorum scripto quod penes se canonici habent exinde continetur similiter ratam habemus et inconvulsam manere decernimus Ad hec transactionem inter sepedictos canonicos de Kenill et monachos de Stanleya super decimis eorundem monachorum coram venerabili fratre nostro Rob[erto] Hereford episcopo iudice ipsis super hoc a domino papa delegato de assensu partium et ipsius iudicis coniventia factam et ab utraque parte fide data in manu eiusdem episcopi firmata episcopali qua Deo auctore fungimur auctoritate confirmamus Omnes inquam prenominatas ecclesias et possessiones cum omnibus pertinentiis et libertatibus suis sicut pretaxatum est tam literarum nostrarum annotatione quam sigilli nostri munimine corroboramus Quicunque igitur has donationes ecclesie prenominate de Kenill et canonicis eiusdem ecclesie intuitu pietatis collatas ampliare tueri studuerit nostre benedictione experiatur beneficium Si quis vero spiritu temeritatis ductus illas diminuere aut aliquo modo perturbare presumpserit iram Dei omnipotentis nisi resipuerit et condigna id satisfactione correxerit incurrat Hiis testibus Rogero archidiacono Salopebir Augustino capellano episcopi magistro Roberto de Haya magistro Ricardo de Curzun Andrea clerico Ricardo de Rushal Poun camerario et multis aliis