Charter Document - 03190054
| Charter Number: | 03190054 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1165 - 1175 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus universis sancte ecclesie fidelibus in Domino salutem et benedictionem Questus est nobis Ricardus de Hasting custos rerum que per Angliam ad Templum Ierosolimitanum pertinent quod canonici de Kenell ecclesiam de Cobinton in suo feudo sitam iniuste occupatam detinerent Illis e contra respondentibus quod ad ius eius vel Templi Ierosolimitani sive ad quemlibet illius fundi domini illa nullatenus ecclesia pertineret ut pote que capella erat ecclesie sue de Wotton post multas hinc inde allegationes eo tandem fine quievit eorum altereatio Quod ego veritatem rei per clericos provinciales diligenter inquisitam cognoscerem et legitimo provincialium testimonio certificatus quod utrique parti super hoc innotescerem id ipsi ad litis decisionem absque omni reclamatione susciperent Convenientibus itaque de more sinodum in nostra presentia totius provincie clericis et quanta decuit diligentia super predicta controversia requisitis venerunt in medium venerabilis frater et coepiscopus noster Godefr[idus] episcopus de sancto Asaph et frater Bald[ewinus] canonicus de Kenill Willelmus decanus de Radeford Robertus presbiter de Bedewrd et Turkillus de Essesho presbiter constanter asserentes et probare parati quod pie recordationis episcopo Rogero eidem sinodo presidente ante annos circiter xxx per testes legitimos ipsis videntibus et audientibus probatum est et ordine iudiciario pronuntiatum quod prenominata capella de Cobinton iure parochiali ecclesie de Wotton est et debet esse subiecta Nos itaque pro debito nostre sollicitudinis ecclesiastice paci providere cupientes que ante nos gesta sunt ne in litem veniant recidivam scripto comendare curavimus quod per viros bone opinionis et integre fame legitime testificatum est et certis indiciis declaratum ratum atque inconcussum manere statuentes Hiis testibus Wilielmo abbate de Lillesham Laur priore de Coventr Hugone priore de Eaton Edmundo archidiacono de Coventr Rogero archid[iacono] de Salop et clericis totius totius sinodi Hugone de Ardena et Radulfo de Sudleg Ivone de Allespede