Charter Document - 03190048
| Charter Number: | 03190048 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1176 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus universis sancte matris ecclesie fidelibus in Domino salutem et benedictionem Ad nostri sollicitudinem spectat officii que locis religiosis devotione fidelium collata sunt episcopali qua fungimur auctoritate confirmare et eisdem ne tractu temporis per oblivionis incommodum oriatur contentionis occasio pietatis intuitu providere Inde est quod nos exemplo recolende memorie Rogeri quondam Coventr episcopi patris et Predecessoris nostri concedimus et presentis scripti pagina et sigilli nostri attestatione confirmamus ecclesie sancte Marie de Kenill et canonicis regularibus ibidem Deo servientibus ecclesiam de Smita cum capella de Brinkelowe et ecclesiam de Hampton in Ardena cum capell et terris et decimis et omnibus pertinentiis suis ex donatione Rogeri de Mulbr et gratuito assensu et petitione Petri et Rogeri de Ardena qui de predicto Rogero de Mulbr feodum tenent in quo iamdicta ecclesia de Hampton sita est Quare volo et firmiter constituo ut prenominati canonici de Kenill supradictas ecclesias habeant et teneant inperpetuum bene et in pace cum omnibus pertinentiis et libertatibus suis salvo in omnibus iure episcopali Si quis autem huic nostre confirmatione contraire et sepedictos canonicos super ecclesiis qua eis presenti pagina confirmavimus inquietare et temere perturbare presumpserit divine districtionis ultioni subiaceat nisi peniteat et ad emendationem veniat Testibus Eadmundo Coventr Rogero Salopbur Roberto Cesterensi archid[iaconis] magistro Roberto de Haya magistro Galfrido de Lenton magistro Waltero de Tilebir magistro Ricardo de Curcun magistro Ricardo de Gnoheshale Petro de Ardena