Charter Document - 03190047
| Charter Number: | 03190047 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1160 |
| Date type: | Assigned |
| Resource Link(s): |
|
Charter:
Ricardus Dei gratia Coventr[ensis] episcopus omnibus ad quos litere iste pervenerint salutem Quoniam cuncta fere que sub celo sunt mox evaneseunt per interiectam oblivionem nisi fuerint ad memoriam revocata per alicuius memorialis representationem ea que in sinodo Coventr residentes audivimus in scriptum redigere pro veritatis firmamento curavimus In nostra siquidem presentia et in sinodi totius audientia vii presbiteri opinionis integre ultro se offerentes videlicet Greg[orius] prior de Broc et Paulus canonicus magister Baldwinus de Wateote Saifrei de Cestreton Alanus de Herberbur Willelmus de Herberbur et Turstinus protestati communiter affirmaverunt attestationem que suam in verbo veritatis corroboraverunt quod Radulfus Macer filius Roberti de Lodbroc quicquid iuris habebat in ecclesia de Herberbur et in quibusdam domibus et in virgata terre et in ceteris omnibus ad prefatam pertinentibus ecclesiam illis audientibus et videntibus in perpetuam concessit elemosinam Deo et ecclesie beate Marie de Kenill et canonicis ibidem Deo regulariter servientibus et hanc illius concessionem carta sua quam audivimus sollempniter confirmavit Nos igitur illorum attestationem tanta sollempnitate subnixam tam scripti presentis assertione quam sigilli nostri inpressione confirmamus eamque ratam et inconcussam haberi precipimus T[estes] Ead[mundus] archid[iaconus] Laur[entius] prior Coventr abbas Lillesh Hug[o] prior de Eat Willelmus Assulf et Robertus decani Iordanus de Filingl Ricardus capellani archidiaconi Willelmus de Leg et reliqus clerus sinodi