Charter Document - 03190038

Ricardus Dei gratia Coventr[ensis] episcopus omnibus sancte matris ecclesie filiis tam presentibus quam futuris salutem in Domino Cum sit opus pietatis locis religiosis providere et eadem in libertatibus sibi misericorditer indultis conservare nos ex pastoralis sollicitudinis officio nobis divinitus collato domum religiosam sancti Iohannis apostoli et ewangeliste de Haghemon tanquam filiam specialem in nostra protectione suscipimus et possessiones ac iura eidem in nostra diocese pia fidelium devotione collata presenti scripto confirmamus Specialiter autem hec duximus annotanda scilicet ex dono Roberti de Saghaberia ecclesiam eiusdem ville cum capellis suis scilicet de Mortone de Actone [et] de Widiford cum omnibus pertinentiis suis ex dono etiam Iohannis Extraney ecclesiam de Chesewordin cum omnibus pertinentibus suis ex dono regis Henrici secundi capellas de Lega et Bechecote ex dono Willelmi filii Alani ecclesiam de Wreoccestr cum omnibus pertinenciis suis decimas etiam de Sondre ex causa transactionis eidem domui de Hagemon concessas decimas quoque de Grenelesul Concedimus preterea ut in omnibus ecclesiis suis in diocese nostra constitutis capellanos constituent vel ammoveant dummodo eisdem competentia vite subsidia ex earumdem ecclesiarum facultatibus assignent reliquum autem ad usus fratrum et hospitalitatem tenendam sibi retineant Precipimus etiam auctoritate apostolica nobis specialiter super hoc directa ut memorate domui de omnibus molendinis pratis et piscariis infra parochias suas constitutis decime plenarie persolvantur Prohibemus etiam ne sepedicte domui vel eius possessionibus officiales nostri gravamen aliquod vel molestiam nobis inconsultis inferre presumant Hanc autem concessionem sigilli nostri appositione communimus Hiis testibus magistro Gaufrido de Lenton magistro Waltero de Tilleberia Nigello Henrico et Ernaldo capellanis Andrea Giffy Gilberto Poun camerario Henrico de Ardena Osberto de Camera et multis aliis