Charter Document - 03190032
| Charter Number: | 03190032 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1182 |
| Date type: | Assigned |
| Resource Link(s): |
|
Charter:
R[icardus] Dei gratia Coventr[ensis] episcopus omnibus sancte matris ecclesie filiis salutem Sciant presentes et futuri nos concessisse et presentis carte nostre auctoritate confirmasse Deo et sancto Iacobo de Dud et sancte Milburge de Wenlok ecclesiam de Womburna cum capellis suis de Tresel et Seisdona et cum omnibus pertinentiis suis in perpetuam elemosinam ex pia donatione Widonis de Offeni et Willelmi filii eiusdem predictis venerabilibus locis collatam Quare volumus ut episcopali auctoritate precipimus ut fratres de Dudd Deo et sancto Iacobo servientes et in posterum servituri predictam teneant ecclesiam liberam et quietam Habeant quoque cum consensu et auctoritate episcopali in eadem vicarios constituendi liberam facultatem Testibus []