Charter Document - 03190021
| Charter Number: | 03190021 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1182 |
| Date type: | Assigned |
| Resource Link(s): |
|
Charter:
Ricardus Dei gratia Covent[rensis] episcopus universis sancte matris ecclesie filiis ad quos presentes littere pervenerint salutem Divinis instructi legibus omnium pie in Cristo viventium presertim religiosorum virorum commoditati tenemur gratulari et eorum quieti ac libertati pro posse nostro in omnibus providere Inde est quod nos pastorali affectione inducti dilectis filiis nostris abbati et monachis de Cumbramare providere volentes et eorum in omnibus ut decet libertati et indemnitati prospicere desiderantes ecclesias de Actona de Nointowich de Sondona de Alstonesfeld eisdem fratribus inperpetuum donamus cum capellis terris decimis obventionibus consuetudinibus et omnibus aliis rebus et libertatibus suis ex donatione et concessione Willelmi Malbanc eis collatas Et quoniam pretaxatos fratres in personatum predictarum ecclesiarum canonice instituimus nec volumus eos iure suo provari precipimus ut cum prefatas ecclesias vel earum capellas vacare contigerit ad monasterii sui comodum et maiorem utilitatem liberam habeat facultatem eligendi et disponendi vicarios in eisdem ecclesiis et nobis et successoribus nostris episcopis presentandi prohibemus et ne aliquis officialium nostrarum predictas ecclesias aut eorum vicarios indebita pecunie exactione fatiget nec ab eis quicquam nisi solum debita cathedralia et sinodalia exigere presumat Statuimus etiam sub interdicto anathematis districte prohibentes ne quis hanc libertatem prelibatis fratribus a nobis indultam infringere vel in eorum preiudicium aliquid temere attemptare presumat Hiis testibus Ranulpho abbate de Buldewas Waltero priore de sancto Thoma Ricardo archidiacono Salop magistro Roberto de Heya magistro Galfrido de Lentona et aliis