Charter Document - 03190004
| Charter Number: | 03190004 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1160 - 1176 |
| Date type: | Assigned |
| Resource Link(s): |
|
Charter:
Ric[ardus] Dei gratia Coventr[ensis] episcopus omnibus filiis sancte matris ecclesie salutem Noscant tam posteri quam presentes quod nos transactionem que facta est inter monachos de Beccho et ecclesiam de Mancestria super capella de Edredestona ratam habemus et eidem robur nostre confirmationis attribuimus que sub hac forma concepta est videlicet quod prenominati monachi concedunt capelle de Edredestona xii acras liberas ab omni exactione seculari vi ex una parte ville et alias sex ex altera parte et ecclesia de Mamecestria faciet divina celebrari singulis ebdomadibus tribus diebus scilicet die dominica et die mercurii et die veneris in capella prelibata et si festum apostoli vel allud annale preter hos dies evenerit pro una dierum statutarum conputetur et die festo divinorum fiat celebratio et si passionis beati Petri dies statutis diebus evenerit ibidem missa celebretur et extra hos dies omittatur decimationibus universis et omnibus aliis obventionibus provenientibus de Edredestona cedentibus ecclesie de Mancestria sepultura tamen et baptismate capelle pretaxate reservatis nisi aliquis laborans in extremis magis eligat apud Mamecestriam sepeliri quam in cimiterio capelle Hiis testibus Edmundo Coventr archidiacono Willelmo capellano Ricardo capellano magistro Galfrido de Lenton magistro Walterio Ricardo de Gnoweshala et quibusdam aliis