Charter Document - 03190001
| Charter Number: | 03190001 |
|---|---|
| Cartulary Title: | Coventry and Lichfield 1160-1182 Volume 16 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1138 - 1160 |
| Date type: | Assigned |
| Resource Link(s): |
|
Charter:
Omnibus fidelibus sancte ecclesie R gratia Dei Cestrensis episcopus salutem Notum sit vobis quod Ossanna abbatissa de Polesworda ex consensu capituli sui concessit Helie filio Gaufridi capellam sine servitio et cimiterium in Pofleia Pro qua se ipse Helias concessit in eadem villa matri ecclesie et sanctimonialibus in Deo servientibus iure hereditario iiii acras in prato et de melioribus illius ville Promisit etiam unoquoque anno duodecim nummos se daturum in die sancte Eadie super eius altare quamdiu ei vita superstes fuerit Necnon et corpus suum ubicunque obierit cum parte que ei contigerit ecclesie sancte Eadie concessit Et ut hoc magis firmum et stabile esset et sine dampno matris ecclesie dextram manum in mea manu misit et hoc partium his testibus confirmavit scilicet magister Edmundus Exulfus decanus magister Ricardus Turgillus sacerdos Helias filius Gaufridi Rotgerius de Grendona et Iordanus filius eius Gomudus de Eresaleia