Charter Document - 03180249
| Charter Number: | 03180249 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1163 - 1180 |
| Date type: | Assigned |
| Resource Link(s): |
|
Charter:
Qui ad celestem patriam pervenire desiderant opus est ut misericordie operibus diligenter intendant et de facultatibus sibi a Deo collatis pauperibus et precipue piis locis ignis incendio vastatis elemosinas largiantur Unde nos de salutis vestre profectu ut iustum est solliciti universitatem vestram rogamus monemus et exhortamur in Domino quatinus operatione ecclesie sancti N aliquod auxilium conferatis ut tam per hec quam per alia bona que in hac vita feceritis ad gaudia eterna feliciter pertingere valeatis Valete