Charter Document - 03180248
| Charter Number: | 03180248 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus omnibus sancte matris ecclesie ministris necnon et universis Christiane professionis in sua diocesi commorantibus ad quos litere iste pervenerint compassionis habundare visceribus Capiat in nobis fratres karissimi ewangelice doctrine frequens et cotidiana ammonitio qua instruimur et informamur opis indigentibus manum misericordie alacriter porrigere et oppressorum necessitatibus celi remedio occurrendo subvenire Scriptum namque est alter alterius onera portate et sic adimplebimus legem Christi et iterum hilarem datorem diligit Deus et alibi date et dabitur vobis et iterum caritas operit multitudinem peccatorum et alibi caritas nunquam excidit Nos igitur ecclesie sancte virginis N et fratribus in Christi servitio ibidem commorantibus alacriter succurrentes unusquisque iuxta facultatis sue mensuram imminentis paupertatis aggravationem misericorditer supportemus et ad reedificationem ecclesie ignis incendio vastate aliquid de beneficiis nobis a Deo collatis cum cordis hilaritate largiamur Omnibus autem qui ad prefatum opus misericordie ea devotionis intentione qua oportet manum auxiliatricem porrexerint de Domini gratia et meritis tante virginis confisi duodecim dies de penitentia sua relaxamus et bonorum omnium que in nostra fiunt ecclesia adiuvante Domino eos participes constituimus