Charter Document - 03180245
| Charter Number: | 03180245 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1187 |
| Date type: | Assigned |
| Resource Link(s): |
|
Charter:
G dei gratia London[iensis] episcopus omnibus sancte matris ecclesie filiis ad quos hec littere pervenerint salutem in domino Que religiosis locis et in eisdem deo iugiter famulantibus pia fidelium conferuntur devotione iustum est ea in perpetuum firma consistere et ne tractu temporis quoquo modo vocentur in dubium presidencium debent auctoritate roborari Proinde ad communem omnium vestrum volumus devenire noticiam nobilem feminam Agnetem de Gwerre divine pietatis intuitu ob suam suorumque salutem deo et ecclesie sancte Marie de Wikes et sanctimonialibus ibidem deo famulatum exhibentibus decem solidos annuos in molendinis de Duddingeswierd que sunt de maritagio suo in perpetuam et liberam elemosinam contulisse et donationem suam ut firmitate gaudere possit in posterum carta sua et sigillo suo confirmasse Nos etiam piam eius approbantes devotionem et memorate ecclesie et ancillarum in ea commorantium pastorali cura et sollicitudine providere cupientes utilitati supradictam concessionem ratam habemus et acceptam et ut perpetuum firmitatis robur optineat eam pagine presentis inscriptione et sigilli nostri appositione dignum pariter et utile dignum duximus communire Testibus Gill[eberto] archidiacono Midd[elsexie] Radulfo de Chilthon Gill[eberto] Ban[astre] can[onicis] sancti Pauli Ricardo de Sar[esbiria] Ricardo Ban[astre] Radulfo precentore Iohanne Witeng clericis Silvestro de Cestreford Willelmo filio Walk[elini] Hugone Grosso Willelmo de Mortem et aliis