Charter Document - 03180244
| Charter Number: | 03180244 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1170 - 1180 |
| Date type: | Assigned |
| Resource Link(s): |
|
Charter:
[G]ilbertus dei gratia London[iensis] episcopus universis sancte matris ecclesie filiis salutem gratiam et benedictionem Ad universorum noticiam perveniat quod Walterus de Wyndelsor ad nos veniens dedit et concessit et carta sua confirmavit deo et ecclesie sancte Marie de Wykes et sanctimonialibus ibidem deo famulantibus in proprios usus earundem sanctimonialium ecclesiam de Wythemundeford cum universis pertin[enciis] suis in liberam et puram et perpetuam elemosinam pro salute sua et antecessorum suorum nostraque auctoritate eandem petiit eis confirmari Nos igitur peticioni illius gratum prebentes assensum prescriptam ecclesiam cum omnibus eisdem pertin[entibus] cum terris liberis decimacionibus et omnimodis obvencionibus et possessionibus ecclesie de Wykes ad proprios usus sanctimonialium eiusdem loci canonice damus et presentis scripti attestacione confirmamus et sigilli nostri apposicione corroboramus salvo iure London[iensis] ecclesie Testibus H[enrico] tesaurario magistro Davit G[ilberto] Foliot magistro R[adulfo] de Alta Ripa R[icardo] de Salesbiri Willelmo Foliot Rogero clerico Regin[aldo] camerario Ranulpho de Wykes Thoma clerico