Charter Document - 03180242
| Charter Number: | 03180242 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1180 - 1187 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus universis sancte matris ecclesie filiis per episcopatum London[iensem] constitutis eternam in Domino salutem Elabenti hominum memorie prudenter satis et apte prospicitur cum quod a modernis agitur ne in posterum irritetur litterarum beneficio commendatur Inde est quod ad communem omnium vestrum volumus devenire notitiam nos ex consensu dilectorum filiorum nostrorum W[alteri] abbatis et fratrum Westm[onasterii] dilecto filio nostro Henrico Baiocensi ecclesias de Greneforde et de Hanewelle cum omnibus ad eas pertinentibus perpetuo concessisse ipsumque in eisdem debita cum sollempnitate personam instituisse Hanc autem institutionem nostram ne de cetero valeat irritari presentis pagine testimonio et sigilli nostri appositione decrevimus communire Testibus hiis Gileberto archidiacono Middelsex[e] Rogero de Wygorn[ia] Roberto Folet Radulfo de Chilton canonicis sancti Pauli magistro Waltero de Witten[eia] Iohanne Wyteng Thoma Briton[e] Lodowico Radulfo precentore Roberto Foliot Stephano Walense Zacharia et multis aliis