Charter Document - 03180238
| Charter Number: | 03180238 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1163 - 1187 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Gilebertus Dei gratia Londoniensis episcopus salutem Noverit universitas vestra quod cum inter nos et abbatem Westm[onasterii] et conventum questio verteretur super subiectione et iurisdictione celle de Keleborne cum suis pertinentiis attendentes eandem cellam a fundatione sua cum pertinentiis suis dicto abbati et conventui Westm[onasterii] pertinere concedimus et presenti carta nostra confirmamus eidem abbati et successoribus suis inperpetuum iurisdictionem et subiectionem in spirit[u]alibus predicte celle cum suis pertinentiis ita quod memorata cella cum pertinentiis suis a iurisdictione et subiectione Lund[oniensis] ecclesie inperpetuum penitus sit exempta et quod abbas Westm[onasterii] et conventus et successores eorum omnem habeant potestatem ordinandi et disponendi per se et procuratores suos quod eidem celle viderint expedire absque ulla contradictione Lund[oniensis] ecclesie inperpetuum Et ut hec nostra concessio et confirmatio firma sit et stabilis presens scriptum sigilli nostri appositione roboravimus Ad maiorem vero securitatem sigillum capituli nostri de assensu ipsius fecimus apponi