Charter Document - 03180234
| Charter Number: | 03180234 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1181 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus omnibus sancte matris ecclesie filiis ad quos presentes littere pervenerint salutem in Domino Que ecclesiis Dei divino conferuntur intuitu iustum est firma consistere et ne possint tractu temporis aliqua perversitate mutari pontificali debent auctoritate confirmari Hinc est quod ad omnium vestrum volumus notitiam pervenire nos concessionem a nobili viro Hamone filio Gaufridi et herede suo post ipsum venerabili fratri nostro Reginaldo Bathoniensi episcopo et ecclesie sancti Andree de Well factam super advocatione ecclesie de Scaldeford quam predicti Hamo et Robertus pia devotione prefate Wellensi ecclesie perpetuam prebendam fieri concesserunt ratam habere et ut concessio nostris facta temporibus debita possit firmitate gaudere iam dicto facto nos auctoritatis nostre munimen prout decet adhibere Pium itaque predictorum Hamonis et heredis sui desiderium approbantes supradictam ecclesiam de Scaldeford cum omnibus pertinentiis suis libere et quiete Wellensi ecclesie in prebendam concedimus et ut in perpetuum ecclesie Wellensis prebenda consistat assignamus ita quod Bathoniensis episcopus de ea sicut de aliis prebendis ordinet et disponat et eiusdem prebende canonicus debitas nobis et successoribus nostris et officialibus consuetudines ad modum aliarum nostre diocesis ecclesiarum exoluat Quam nimirum concessionem nostram et donationem quia firmam et inconvulsam manere volumus eam presentis scripti patrocinio et sigillo nostri munimine confirmamus Hiis testibus Radulfo de Diecto archidiacono Middelsex[e] Ricardo archidiacono Colec[estrie] Roberto archidiacono Essexie magistro Radulfo de Altaripa magistro scolarum London[ie] Rogero Wigorn[iensi] Ricardo de Saresbir[ia] Radulfo de Chilton[a] Radulfo cantore Waltero elemosinario Iohanne Witeng et quam pluribus aliis