Charter Document - 03180224
| Charter Number: | 03180224 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1187 |
| Date type: | Assigned |
| Resource Link(s): |
|
Charter:
Gilbertus Dei gratia Londoniensis episcopus omnibus sancte matris ecclesie filiis ad quos hec litere pervenerint salutem in Domino Ad universitatis vestre volumus devenire notitiam nos cartam dilecti filii nostri Roberti de Greinvill militis inspexisse ex cuius tenore concepimus ipsum Robertum pro salute sua et patris et matris et antecessorum suorum dilectis filiis monachis Beccensibus apud Stok Deo famulantibus ecclesiam de Stamburnia cum omnibus pertinentiis suis in puram et perpetuam elemosinam concessisse Cuius nos devotionem approbantes concessionem suam ratam habuimus et memoratam ecclesiam de Stamburn cum omnibus ad eam pertinentibus supradictis monachis auctoritate pontificali contulimus Et ut ea perpetuo gaudeant ipsam eis literarum nostrarum inscriptione et sigilli nostri appositione confirmavimus Testibus G[ileberto] archidiacono Midd[elsexe] Ricardo magistro scolarum London[ie] et aliis