Charter Document - 03180219

Gilbertus Dei gracia Lundoniensis episcopus omnibus sancte matris ecclesie filiis ad quos hec litere pervenerint nostre salutem in Domino Noverit universitas vestra causam que vertebatur inter monachos de Stokes et Benedictum de Refham et Willelmum de Haveringeland et Gerv[asium] de Norwic clericos et Rogerum de Gisnai super ecclesia sancti Clementis in Norwic et quibusdam decimis nobis a suo pontifice delegatam partium in hoc concurrente assensu hoc tandem fine post plurimas auditas hinc inde allegationes in nostra presentia conqui[e]visse Monachi siquidem de Stok ab actione quam super ecclesia sancti Clementis intendebant resedentes penitus se ultra in ipsa nichil vendicat uros firmiter promiserunt Prefatus vero Rogerus duas partes decimarum totius dominii sui quod habuit in Witewelle et in Haveringelonde et in Norwic assensu et voluntate predictorum clericorum tamquam ad ecclesiam de Stokes pertinentes in manus nostras resignavit et nos ipsa apostolica auctoritate memoratis monachis restituimus Quas ipsi monachi iam dictis clericis de eis tenendas sub annua viginti solidorum pensione coram nobis concesserunt ita quidem quod liberum erit unicuique prescriptorum clericorum conpetentem sibi portionem sepe dictarum decimarum alii cui voluerit ecclesiastice persone monachis tamen et prefato milite in hoc prebentibus assensum assignare sub ea qua et ipse tenebat pensione tota vita sua tenendam Post secundi vero successoris discessum nec prefato militi nec cuilibet alii prescriptas decimas alias quam ad monasterium de Stokes transferre vel ab ipso quolibet modo alienare licebit Hanc autem conventionem fidei in hoc interveniente religione se fideliter observaturam pars utraque promisit Et nos ne de cetero possit in dubium vel in irritum revocari presentis eam pagine inscriptione confirmavimus et nostri pariter appositione sigilli roboravimus Hiis testibus Ricardo archidiacono Colcestrie magistro Hugone de Lund[onia] et aliis