Charter Document - 03180213
| Charter Number: | 03180213 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1168 - 1178 |
| Date type: | Assigned |
| Resource Link(s): |
|
Charter:
G[ilebertus] dei gratia Lund[oniensis] episcopus omnibus sancte matris ecclesie filiis ad quos presentes littere pervenerint salutem in domino Universitati vestre presenti scripto notificamus controversiam que vertebatur inter moniales monasterii sancte Marie et sancti Pauli Belvacensis et Ricardum de Waltham clericum super ecclesia de Waltham nobis a summo pontifice delegatam hoc tandem fine in nostra presentia utriusque partis in hoc concurrente assensu conquievisse Prefatus siquidem Ricardus memoratis monialibus pro bono pacis non nomine ecclesie xl denarios sterlingorum annuatim intra octabas sancti Michaelis se soluturum promisit salvo iure predictarum monialium quod se in ipsa ecclesia de Waltham habere proponunt contra quemlibet possidentem post ipsius Ricardi nepotis Stephani de Hechet decessum Quod ut stabile permaneret et inconvulsum idem Ricardus in hoc fidei religionem interposuit et nos id presentis pagine inscripcione confirmavimus et nostri pariter appositione sigilli roboravimus Hiis testibus Nicholao archidiacono Lund[oniensi] Ricardo archidiacono Colecestrie magistro Hun de Lundon[ia] magistro David de Lund[onia] magistro Ric[ardo] de Stertefordiah canonicis sancti Pauli magistro Radulfo de Altaripa magistro Roberto Temprenoisa Radulfo de Beaumunti Rogero de Wigornia Stephano de Ekintuna magistro Petro de Tilneia et multis aliis