Charter Document - 03180210
| Charter Number: | 03180210 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
Que donantur Domino karissimi donanti nequa[quam des]unt sed iuxta vocem Domini ei a quo donata sunt amplissime remuneranda conservantur mensuram bonam et confertam et coagitat[am] et supereffluentem conferent in sinum vestrum Nos itaque de salutis vestre profectu sollic[iti ca]ritatem vestram commonemus in Domino quatinus [ad repar]ationem ecclesie beati Yuonis et ad ref[iciendum] eiusdem ville pontem et calcedam ubi dis[iunctus] admodum est commeantium transitus de [facul]tatibus vestris aliquod auxilium conferatis et D[eum in] sanctis suis honorando divinam vobis g[ratiam] et peccatorum veniam acquiratis Omnibus vero [qui ad pre]taxatum opus aliquid ob Deum hortat[i] contulerint de Domini confisi misericordia de in[iuncta] sibi penitentia decem dies relaxa[mus et] bonorum omnium que in nostra fiunt ecclesia [et orati]onum participes constituimus Valete