Charter Document - 03180207
| Charter Number: | 03180207 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1187 |
| Date type: | Assigned |
| Resource Link(s): |
|
Charter:
Gilebertus Dei gratia Lundoniensis episcopus dilectis sibi in Domino universitati eiusdem ecclesie parochianis et filiis salutem gratiam et benedictionem Ad nostri curam spectat officii ut universitatem vestram crebro commoneamus et diligenter exhortemur in Domino ut ipsum pre oculis habentes et que [et] quanta pro vobis pertulerit ad memoriam revocantes personas religiosas iugem illi famulatum exhibentes et loca sanctis eius misteriis dedicata venerantes ipsum in servis suis honoretis et ipsi domicilia in terris construendo vel constructer iam vestris sumptibus sustentando vobis in celestibus habitacula in eternum permansura preparetis Ecclesia siquidem de Waledena que ibidem in memoriam beati Iacobi solicita [cura] monachorum ibi Deo servientium ut plantatio novella consurgit ope Christi fidelium et amicorum beati Iacobi plurimum indiget ut inceptum opus ad honorem Dei et sancti sui apostoli ipsorum auxilio fine tandem possit optato consummari Omnibus itaque qui ad eiusdem monasterii constructionem ob Dei et apostoli sui reverentiam aliquid caritative contulerint de Dei confisi misericordia si in septem vel annorum amplius penitentia sunt viginti quinque dies hiis vero qui minus onerati sunt dies decem relaxamus et orationum ecclesie nostre participes constituimus Valete