Charter Document - 03180206
| Charter Number: | 03180206 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1181 |
| Date type: | Assigned |
| Resource Link(s): |
|
Charter:
Gilbertus Dei gratia Lundoniensis episcopus omnibus sancte matris ecclesie filiis ad quos presentes litere pervenerint salutem in Domino Piam devotionem dilectorum filiorum nostrorum Willelmi filii Ernulphi et Eudonis de Arkesdena ad debitum volentes effectum perducere ecclesiam de Arkysden[a] cum omnibus ad eam pertinentibus ipsorum petitione et presentatione monasterio sancti Iacobi de Waledena et monachis ibidem Domino dignum prebentibus obsequium divine pietatis intuitu concessimus et karissimum nobis in Christo filium R[eginaldum] ipsorum priorem nomine universitatis ad personatum prefate ecclesie recipimus statuentes ut eandem ecclesiam de cetero libere teneant et in pace possideant ita quidem quod per ydoneum capellanum memorate ecclesie de Arkesden digne deserviant et tam nobis quam substituendis episcopis et officialibus nostris omnibus de debitis nobis de eadem ecclesia consuetudinibus sine aliqua contradictione respondeant Quod quia volumus in perpetua retineri memoria presentis id inscriptione pagine universitati vestre notum facimus et sigilli nostri pariter appositione confirmamus Hiis testibus Radulfo de Diceto decano ecclesie sancti Pauli Ricardo de Stort[eford] magistro scolarum magistro Hugone Rogero de Wigorn[ia] canonicis sancti Pauli Ricardo de Saresbir[ia] Radulfo de [Chiltona] Radulfo cantore Waltero elemosinario Ricardo Banastr[e] Iohanne Vityng clericis Reginaldo camerario Michaele de Turneham et multis aliis