Charter Document - 03180205
| Charter Number: | 03180205 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1180 |
| Date type: | Assigned |
| Resource Link(s): |
|
Charter:
Gilbertus Dei gratia Lundoniensis episcopus universis ecclesiarum prelatis per episcopatum Lond[oniensem] constitutis salutem gratiam et benedictionem Universitati vestre presenti scripto notificamus magistrum Henricum Pirot in presentia nostra constitutum iuri quod in ecclesia de Lindesele [habuerat] sub multorum testimonio renuntiasse ipsamque ecclesiam in manus nostras voluntate spontanea refutasse Nos vero petitione et presentatione nobilis viri Radulfi Pirot quem ius patronatus in iam dicta ecclesia contingere dinoscitur ipsam ecclesiam monasterio beati Iacobi de Waledena et R[eginaldo] priori et conventui eiusdem loci magistro Henrico presente et ad id assensum prebente concessimus et R[eginaldum] priorem ea qua fungimur auctoritate episcopali personam iam dicte ecclesie debita cum solemnitate salvo iure nobis et successoribus et officialibus nostris debito constituimus Quod ne de cetero in dubium vel in irritum revocetur presenti id scripto et sigilli nostri appositione confirmare curavimus Hiis testibus Ricardo archidiacono Colec[estrie] magistro Radulpho de Altaripa magistro scolarum Lundon[ie] Rogero de Wigorn[ia] Ricardo de Saresbir[ia] Ricardo Banastr[e] Waltero elemosinario Radulfo cantore Iohanne Witeng Philippo de Wigorn[ia] Reginaldo Folet et multis aliis